Hai suficiente para cubrir toda a demanda, pero non se aproveita.
Metro Directo. Mércores, 23 de novembro de 2005. Páxina 2.
Àngela Rodríguez.
Se se aproveitasen ao máximo as enerxías renovables en Cataluña, poderíase cubrir toda a demanda eléctrica. Así o indica un informe da organización ecoloxista Greenpeace, segundo o cal no ano 2050 Cataluña podería abastecer con enerxías limpas 18 veces toda a súa demanda de electricidade.
A delegada de Greenpeace en Cataluña, Anna Rosa Martínez, apostou onte por aproveitar os recursos renovables e por cumprir o Protocolo de Kyoto, en lugar de «manter en funcionamento as perigosas, sucias e custosas centrais nucleares».
Autosuficiente.
Segundo o estudo da ONG, Cataluña podería ser autosuficiente e cubrir con enerxías renovables toda a demanda enerxética, mesmo se podería conseguir este obxectivo soamente con enerxía solar termoeléctrica, con solar fotovoltaica ou unicamente con enerxía eólica.
O estudo conclúe tamén que «Cataluña podería xerar suficiente electricidade para satisfacer unhas 14 veces a súa demanda existente, unicamente co total de potencial solar».
O mellor xacemento.
O responsable da campaña de Enerxía de Greenpeace, Carlos Bravo, subliñou que «o xacemento enerxético máis grande que temos é o Sol, pero, se o queremos aproveitar, os gobernos español e catalán han de cambiar o papel absolutamente marxinal que se outorgou até agora á enerxía solar».
Nesta liña, Bravo destacou que «alongar a vida das centrais nucleares» en Cataluña sería a «peor decisión» que se podería tomar, porque este tipo de enerxía é «máis cara».
Enerxía sucia.
Carlos Bravo destacou que «temos un sistema eléctrico insustentábel baseado na enerxía sucia e o derroche». O responsábel de Greenpeace asegurou que sería factíbel o 100% de renovables antes do 2050 se houbese vontade política». A pesar diso, recoñeceu que «a capacidade de investimento é limitada».
Un mínimo do 20%.
Greenpeace pide cumprir a Directiva europea de Enerxías Renovables, porque acheguen un mínimo do 20% da enerxía primaria de face ao ano 2020. Por mor dos datos do seu informe, a organización ecoloxista pide á Generalitat que retire o Plan da Enerxía de Cataluña, que se vai aprobou en outubro, porque, á súa parecer, non potencia suficientemente as enerxías chamadas «limpas».
Tradución ao galego: Elisa Borrazás.
O poder do diñeiro.